氣炸月餅

【冰皮月餅】今日到期所以趕快試下攞兩個紅豆餡去用氣炸爐炸下(200°C 10分鐘)，有啲似豆沙鍋餅不過比較黐牙，因為個皮本身係軟糕狀，炸完個底同爐網合而為一，整體嚟講當另一種食法都ok嘅，不過炸唔炸都係最多食兩個都滯了，four more to go! ｡ﾟ(ﾟ∩´﹏`∩ﾟ)ﾟ。

【普通月餅】隔咗一日，係時候炸個普通月餅嚟試下！結果用冰皮月餅嘅火候(200°c 10分鐘)炸燶咗！XD 下次應該用180°c ok了… 掉咗燶嘅部分，熱辣辣其實好似食緊脆皮蓮蓉包咁，本來凍食覺得食半個已經好滯，但熱食食完半個又好似可以再食喎！(因為平時食蓮蓉包都可以一口氣食幾個) 嗯… 月餅嘛，結論係自己繼續慢慢消滅囉~ (無奈)