鮮奶 – 2 頁 – タカ猫的 F∞D

自製香濃巧克力熱飲

做法連結：http://www.youtube.com/watch?v=G1nseMiYc0o

可能我没雪得夠，所以舀不到一個球形，不過不影響味道~

最近終於終於買咗紙包蛋糕模，今日又終於終於試整第一次！焗嘅時候已經好香，食落口一樣有好香濃嘅蛋香味，仲軟綿綿的呢。

Christine的食譜一向比較啱我口味，呢個紙包蛋糕唔過甜一如以往的滿意喔，阿佬都追住我食完再食！
參考食譜： http://www.christinesrecipes.com/2008/07/cake-wrapped-in-paper.html?m=1

佢嗰個係六杯份量，我得四個杯，已經用細蛋都過多，結果攞多咗四個大撻模嚟裝，焗嘅時候脹卜卜不過出爐又縮返了，因為薄身啲中間嘅蛋糕冇咁多冇咁香囉，口感好似一般海綿蛋糕仔咁~ 下次減量做四個其實都夠食，咁簡單食完再整都得，呵呵~

一日後記：原來六杯份量只夠食一日，因為你會忍唔住食完一個又一個！今朝早阿佬食完都要再落order話聽日又要食~ 結果下午又整咗一次六杯份，今次係四個杯加兩個焦糖布丁杯，啱啱好，真係要俾個good自己，wakaka~~

第三日又記：雖然只剩返半份牛油，亦冇哂牛奶，成日想試用麥精整，最後都係整咗一次三杯份，呵呵！結論係麥精味冇想像中咁出，可能因為俾香草精的味蓋過了，感覺冇牛奶整的香同鬆軟(但都有蛋香同軟綿綿的)，不過多咗淡淡的甜味。如果真係趕唔切買鮮奶，都可以用麥精嚟代替一下嘅~

諗住三杯份攞三個杯，點知都係多咗(可能係因為用咗三隻蛋吧)，麵糊高咗同埋今次25分鐘後冇即時由焗爐取出，所以頂部都濃咗啲。

阿佬仲咳緊，買返嚟嘅香蕉滯銷了，又到咗要解決過熟香蕉嘅時候，次次都整muffin今次想搵下第二啲嘢整，最後諗到試下整煎餅啦，又得喎！而且都唔係好複雜，又一個快靚正嘅選擇！

材料：
麵粉 100g
牛奶 200ml
蛋 1隻
植物油 10g
香蕉 1根

做法：
(1) 麵粉過篩，蛋黃放中間攪拌，慢慢加入牛奶丶切細粒(或壓成蓉)香蕉攪拌
(2) 蛋白打至企身
(3) 將植物油加入(1)中，用電動打蛋器打至滑溜
(4) 加熱平底鑊，慢火將熱香餅加熱至起泡，周邊漸熟便可反轉繼續煎

參考的食譜本來係無糖無蕉配方，加咗蕉就有淡淡嘅香蕉味同甜味，如需要可再加糖漿食用 🙂

懶人小撇步：用電動打蛋器打完蛋白先再打香蕉，唔駛洗咁多工具！

後記：太熟的蕉又會冇哂蕉味！今次因為遲咗搵到呢個食譜所以蕉放太熟，起碼1/3瘀咗，下次開始出班點就要開動了！

植物油混入麵糊中攪匀比煎時才將油下鍋没那麼易焦。

很好味的牛奶布甸﹗ 有剩鮮奶和淡忌廉的時候必做~ 因為淡忌廉(今次我用了保利牌的淡忌廉)已有濃郁的奶味，不需使用北海道牛乳亦可做出牛奶味香濃的布甸 🙂

Ingredients

Cooking Directions

Source: towngascooking.com